حرم مطہر حضرت امام حسین علیہ السلام کے ماتحت شعبہ صحت اور میڈیکل ایجوکیشن کے سربراہ نے اعلان کیا کہ الوارث کینسر ہسپتال میں زیر علاج کینسر کے تیس مریضوں کو حرم مقدس حسینی کے خرچ پر فرادیٰ عمرہ کے لیے بھیجا جائے گا۔
حرم مقدس حسینی کی سرکاری ویب سائٹ کے مطابق اس سلسلے میں شعبہ صحت کے انچارج نے بتایا: مریض افراد کی آراء لینے سے معلوم ہوا ہے کہ مریض اکیلے عمرہ کرنے کی خواہش رکھتے ہیں جس کے بارے میں حرم مقدس حسینی کے متولی علامہ شیخ عبد المہدی کربلائی کو اطلاع دی گئی اور حرم امام حسین علیہ السلام کے متولی نے تیس مریضوں کو عمرہ کے لیے بھیجنے کا خرچہ ادا کرنے پر رضامندی ظاہر کی ہے ۔
