ماں مری ہمدرد ماں اے مری مظلوم ماں

لاشہ زہراءؑ پہ کرتے تھے یہی شبیرؑ بین

ہاں یتیم اب ہوگیا ہے آپ کا بے کس حسینؑ

اے مری مادر نہیں پل بھر بھی میرے دل کو چین

یہ بتاؤ اب کہاں جائے تمہارا نور عین

ماں مری ہمدرد ماں اے مری مظلوم ماں

کس کے سینے پہ بھلا راتوں کو اب سؤونگا میں

آپ سے ہوکر جدا اماں نہ رہپاؤنگا میں

آپ کے تابوت سے سر اپنا ٹکراؤنگا میں

کھول دو بند کفن ورنہ بہت رؤونگا میں

ماں مری ہمدرد ماں اے مری مظلوم ماں

کون دے گا اب تسلی مجھ کو ہر شام و سحر

میرے رونے سے تمہارا کانپ جاتا تھا جگر

کب سے ہے گریہ کناں یہ آپ کا نورنظر

سورہی ہو چین سے کیوں کچھ تو لو اٹھ کر خبر

ماں مری ہمدرد ماں اے مری مظلوم ماں

سونا سونا گھر ہے سارا لوٹ کر آجائیے

اپنی فرقت میں نہ اب اس بے کس کواب تڑپائیے

ہوک اٹھتی ہے جگر میں مجھ کو مت رلوائیے

اپنے سینے سے بھی اٹھ کر مجھے لپٹائیے

ماں مری ہمدرد ماں اے مری مظلوم ماں

دکھ زدہ شبیرؑ کا یہ حال دل سن لیجئے

کربلاء آنے کا مجھ سے آپ وعدہ کیجئے

ہر گھڑی پردیس میں میری خبر تو لیجئے

دشت غربت میں مجھے آکر سہارا دیجئے

ماں مری ہمدرد ماں اے مری مظلوم ماں

آئے گا جلاد لے کر تیغ سینے پر مرے

جب تمہارا لال زیر تیغ سجدے میں رہے

کند خنجر سے مرا سوکھا گلا جونہی کٹے

سر مرا اماں بس اپنی گود میں لے لیجئے

ماں مری ہمدرد ماں اے مری مظلوم ماں

بعد میرے بے کسی ہمشیر کو رلائیگی

اور طمانچے شمر کے بالی سکینہ کھائیگی

ساتھ رہنا قیدیوں کے پھر مصیبت آئیگی

جب بھرے دربار میں زینبؑ کھلے سر جائے گی

ماں مری ہمدرد ماں اے مری مظلوم ماں

لمحہ لمحہ پیٹ کر اپنا سر و سینہ مجیب

کررہا ہے آپ پر شام و سحر گریہ مجیب

اپنے خون دل سے کرتا ہے رقم نوحہ مجیب

دو صلہ محشر میں اسی کا منتظر ہوگا مجیب

ماں مری ہمدرد ماں اے مری مظلوم ماں