حرم مقدس حسینی کے صحت و طبی تعلیم کے بورڈ نے کربلا کے محکمہ صحت کے تعاون سے خون کے عطیہ کی مہم کا اعلان کیا ہے، جس کا مقصد ماہ محرم الحرام کے دوران خون کی بڑھتی ہوئی طبی ضروریات کو پورا کرنا اور بلڈ بینک کے ذخیرے میں اضافہ کرنا ہے۔
بورڈ نے ایک بیان میں کہا، جس کی ایک کاپی موصول ہوئی ہے، کہ "حرم مقدس حسینی کے صحت و طبی تعلیم کے بورڈ نے کربلا کے محکمہ صحت کے تعاون سے خون کے عطیہ کی مہم کا اہتمام کیا ہے، تاکہ بلڈ بینک کے ذخیرے کو تقویت دی جا سکے اور ماہ محرم الحرام کے دوران بڑھتی ہوئی طبی ضروریات کو پورا کیا جا سکے۔"
بیان میں مزید کہا گیا کہ "یہ مہم جمعرات (7 محرم 1447ھ) کو صبح 10:00 بجے سے دوپہر 2:00 بجے تک باب السدرہ کے طبی کیمپ میں شروع ہوگی، لہذا ہم صحت کے عملے اور معزز شہریوں سے اس عظیم انسانی خدمت میں حصہ لینے کی اپیل کرتے ہیں۔"
واضح رہے کہ حرم مقدس حسینی کا جنرل سیکرٹریٹ اپنے تمام خدماتی، طبی اور سیکورٹی شعبوں کے ذریعے مقدس شہر کربلا میں لاکھوں زائرین کی آمد کے دوران ہجوم کو منظم کرنے اور زائرین کی نقل و حرکت کو رواں دواں رکھنے کے لیے بھرپور کوششیں کرتا ہے۔
