لوگوں کا مسالک اور مذاہب میں تقسیم ہونا اﷲسے محبت کی لذت سے محروم ہونا ہے جو لوگ اپنی زندگی میں اﷲسے محبت کی معرفت حاصل کر لیتے ہیں وہ اس کے بعد اپنی زندگی میں کسی دوسری چیز کی جستجو نہیں کر تے ہیں ۔
حضرت امام حسین بن علی علیہ السلام فرماتے ہیں :
(ماذاوجد من فقدک؟وماالذ فقدمن وجدک ؟)
'' جس نے تجھ کو کھو دیا اس نے کیا پایا ؟اور جس نے تجھ کو پالیا اس نے کیا کھو یا''
حضرت علی بن الحسین زین العا بدین علیہ السلام اﷲسے محبت کی لذت کے علاوہ محبت سے استغفار کرتے ہیں ،اﷲکے علاوہ کسی دوسرے ذکر میں مشغول ہو نے سے استغفار کرتے ہیں اور اﷲکی قربت کے علاوہ کسی دوسری خوشی سے استغفار کرتے ہیں ،اس اعتبار سے نہیں کہ خداوندعالم نے اس کو اپنے بندوں پر حرام قرار دیاہے بلکہ اس لئے کہ وہ محبت دل کو اﷲ سے منصرف کر دیتی ہے اور انسان اﷲکے علاوہ کسی دوسرے سے لو لگا نے لگتا ہے اگر چہ بہت کم مدت کیلئے ہی کیوں نہ ہو لیکن جس دل کو اﷲسے محبت کی معرفت ہو گئی ہے وہ دل اﷲسے منصرف نہیں ہو تا ہے ۔
اولیا ئے خدا کی زند گی میں ہر چیز اور ہر کوشش اﷲسے دائمی محبت، اﷲکا ذکر اور اس کی اطاعت کے ذریعہ ہی آتی ہے اس کے علاوہ ہر چیز اﷲکی یاد سے منصرف کرتی ہے اور ہم اﷲسے استغفار کر تے ہیں ۔
امام علیہ السلام فر ما تے ہیں :
(واستغفرک من کل لذة بغیرذکرک ومِن کلّ راحة بغیراُنسک،ومن کل سرور بغیرقربک،ومن کلّ شغلٍ بغیرطاعتک )
''اور میں تیری یاد سے خالی ہر لذت ،تیرے انس سے خالی ہر آرام ،تیرے قرب سے خالی ہر خو شی ،اور تیری اطاعت سے خالی ہر مشغولیت سے استغفار کرتا ہوں ''
