کالج آف نرسنگ، جامعہ وارث الانبیاء (علیہ السلام) جو روضۂ حسینیۂ مقدسہ کے زیرِ انتظام ہے، نے دوسرے مرحلے کے طلبہ کے لیے جامع تجزیاتی (تقييمی) تجرباتی امتحان کا انعقاد کیا۔ اس موقع پر جامعہ کربلا کے وزارتی وفد کے نمائندے نے بھی شرکت کی۔
کالج کے ڈین، ڈاکٹر مرتضیٰ الجبوری نے بتایا کہ ’’جامعہ وارث الانبیاء (علیہ السلام) کے کالج آف نرسنگ نے روضۂ حسینیۂ مقدسہ کے زیرِ انتظام یہ امتحان لیا۔ اس امتحان میں جامعہ کربلا کے وزارتی ٹیم کے نمائندے نے شرکت کی۔‘‘
انہوں نے مزید کہا کہ ’’اس امتحان کا مقصد طلبہ کو وزارتِ تعلیمِ عالی اور تحقیقِ علمی کی جانب سے طے شدہ سرکاری جامع امتحان کی تیاری اور اس کے طریقۂ کار سے آگاہ کرنا ہے، کیوں کہ اس امتحان کے سوالات پورے عراق کی تمام نرسنگ کالجز کے لیے یکساں طور پر ترتیب دیے جاتے ہیں۔‘‘
ڈاکٹر الجبوری کا کہنا تھا کہ ’’یہ امتحان سرکاری (تقييمی جامع) امتحان کی حتمی تیاریوں کا ایک حصہ ہے، جس میں ملک بھر کی نرسنگ کالجز حصہ لیں گی۔ یہ ایک ایسا مشترکہ سرکاری امتحان ہے جس کا مقصد طلبہ کی سطح اور معیار کو جانچنا اور ملک گیر سطح پر یکساں تعلیمی نتائج کو یقینی بنانا ہے۔‘‘
جامعہ وارث الانبیاء (علیہ السلام) کے کالج آف نرسنگ، روضۂ حسینیۂ مقدسہ کے زیرِ انتظام اس جامع تجزیاتی تجرباتی امتحان کے انعقاد کے ذریعے تعلیمی معیار کو بہتر بنانے اور اپنے طلبہ کی کارکردگی کو نکھارنے میں مصروفِ عمل ہے، تاکہ وہ سرکاری امتحانات کی تیاری میں بھرپور صلاحیتوں کا مظاہرہ کرسکیں اور معاشرے کی خدمت کے لیے موزوں طبی ماہرین کی کھیپ تیار ہوسکے۔
منسلکات
