حرم مقدس حسینی کے شعبہ دارالقرآن الکریم نے اعلان کیا ہے کہ اربعین کے موقع پر قرآنی اسٹیشنوں کے منصوبے سے 81,446 سے زائد زائرین نے استفادہ کیا۔ اس منصوبے میں 750 اساتذہ (خواتین و حضرات) نے حصہ لیا جو کربلا اور دیگر مختلف صوبوں کے 90 اسٹیشنوں پر تعينات تھے۔
شعبے کے سربراہ شیخ ڈاکٹر خیر الدین الهادی نے گفتگو کرتے ہوئے بتایا کہ "ان اسٹیشنوں پر زائرین کا زبردست ہجوم دیکھا گیا، اور مسلسل 7 دنوں تک قرآنی، تعلیمی اور آگاہی خدمات فراہم کی گئیں، جن کے ذریعے تلاوت قرآن کی تصحیح اور زائرین کے دینی و ثقافتی شعور کو بیدار کرنے میں نمایاں مدد ملی۔"
انہوں نے مزید وضاحت کی کہ "اس منصوبے میں 54 بین الاقوامی اور مقامی قرآنی محافل، 23 قرآنی مقابلے، 8 سیمینارز اور 82 مذہبی و آگاہی لیکچرز شامل تھے، جن میں مختلف قرآنی اور تربیتی موضوعات پر روشنی ڈالی گئی۔"
ان کا کہنا تھا کہ "اس منصوبے کے تحت 25,000 سے زائد تبرکات بھی تقسیم کیے گئے،" اور اس بات پر زور دیا کہ "سالانہ حاصل ہونے والے یہ مثبت نتائج آئندہ کے ایامِ زیارت میں اس منصوبے کو مزید وسعت دینے اور خدمات کو بہتر بنانے کے لیے حوصلہ افزا ہیں۔"
یہ منصوبہ حرم مقدس حسینی کی ان کاوشوں کا حصہ ہے جن کا مقصد قرآنی ثقافت کو عام کرنا اور ملینین زیارات کے دوران حضرت امام حسین (علیہ السلام) کے زائرین کی خدمت کے لیے ایمانی و تربیتی ماحول کو فروغ دینا ہے۔
