حرم مقدس حسینی کے شعبہ "دار القرآن الکریم" کے زیر اہتمام کربلا میں بین الاقوامی قرآنی ہفتہ جاری ہے، جس میں دنیا بھر کے 30 سے زائد عرب اور اسلامی ممالک کے نمائندے، نامور قراء، حفاظ اور ماہرین شریک ہیں۔
اس ایونٹ کے دوران وفود کے لیے حرم مقدس حسینی کے مختلف سماجی، تعلیمی اور تعمیراتی منصوبوں کے معلوماتی دورے کا اہتمام کیا گیا، جس کا مقصد انہیں کربلا میں جاری ترقیاتی اور انسانی خدمات کے کاموں سے روشناس کروانا ہے۔
اس بین الاقوامی قرآنی ہفتے کی اہم سرگرمیاں:
جائزہ کربلا انٹرنیشنل ایوارڈ: تلاوت اور حفظِ قرآن کا 5واں عالمی مقابلہ۔بچوں کا عالمی مقابلہ: کم عمر بچوں (براعم) کے لیے پہلا بین الاقوامی قرآنی مقابلہ۔خطاطی کی نمائش: عربی خطاطی کی چوتھی بین الاقوامی "النبأ العظیم" نمائش، جس میں 12 سے زائد ممالک کے خطاط حصہ لے رہے ہیں۔علمی و ثقافتی سیشنز: قرآن کریم کے علوم اور تعلیمات کو عام کرنے کے لیے مختلف فکری سیمینارز۔یہ تقریب کربلا کو ایک عالمی قرآنی اور فکری مرکز کے طور پر پیش کرنے اور امت مسلمہ کو قرآن و اہل بیت علیہم السلام کی تعلیمات سے جوڑنے کی ایک کڑی ہے۔
منسلکات
