نجف اشرف: محقق نائینیؒ کے علمی ورثے کے احیاء کے لیے عظیم الشان کانفرنس کا انعقاد

حوزہ علمیہ قم کی مدیریت اور حرم امام علی علیہ السلام کے باہمی تعاون سے ایک اہم کانفرنس کا انعقاد کیا گیا ہے، جس کا اہم ترین ثمرہ محقق نائینی (رحمہ اللہ) کے علمی آثار پر مشتمل 40 جلدوں کا عظیم موسوعہ (انسائیکلوپیڈیا) ہے۔

تراثِ اہل بیتؑ کے احیاء کے لیے قائم 'مجمع الامام الحسینؑ العلمی' نے اس موسوعہ کی 8 جلدوں کی تحقیق اور تدوین میں کلیدی کردار ادا کیا ہے۔ اس کانفرنس کی اختتامی نشست انشاء اللہ آئندہ ہفتے حرم مقدس حسینی کے صحنِ مبارک میں واقع ’خاتم الانبیاء‘ ہال میں منعقد کی جائے گی۔

نجف اشرف میں ہونے والی یہ افتتاحی تقریب ان تمام مشترکہ کوششوں کا منہ بولتا ثبوت ہے جو اس علمی شاہکار کو دنیا کے سامنے لانے کے لیے کی گئیں۔ اس پروقار تقریب میں مراجع عظام، جید علمائے کرام اور ممتاز علمی و اکیڈمک شخصیات شرکت کر رہی ہیں اور اہل علم و فضل کی ایک بڑی تعداد اس عظیم عالمِ دین کی خدمات کو زبردست خراج تحسین پیش کر رہی ہے۔