حرم مقدس حسینی کے تعلقات عامہ کے شعبے سے وابستہ شعبہ تشریفات نے سال 2025 کے دوران نمایاں کامیابیوں کا اعلان کیا ہے۔ یہ کامیابیاں عراق کے اندر اور باہر سے آنے والے سرکاری، مذہبی اور تعلیمی وفود کے استقبال، ان کے امور کی تنظیم اور حرم مقدس حسینی کے بلند مقام کے شایانِ شان استقبالیہ و الوداعی تقاریب کے انعقاد کے سلسلے میں حاصل کی گئی ہیں۔
اس شعبہ تشریفات کے سربراہ عباس المحنا نے گفتگو کرتے ہوئے کہا کہ: "حرم مقدس حسینی کے پبلک ریلیشنز ڈپارٹمنٹ کا پروٹوکول یونٹ کانفرنسوں، تقریبات اور سرکاری جشن کے انعقاد کی نگرانی کرتا ہے۔ یہ یونٹ مہمانوں کی آمد سے لے کر ان کے پروگرام کے اختتام تک تمام امور کی دیکھ بھال کرتا ہے اور متعلقہ شعبوں کے ساتھ مل کر ان کی تمام ضروریات پوری کرتا ہے، تاکہ حرم مقدس حسینی کا ایک روشن عکس پیش کیا جا سکے اور حسنِ سلوک و احترام کی اقدار کو مستحکم کیا جا سکے۔"
انہوں نے مزید کہا کہ: "یہ شعبہ زائر اداروں اور وفود کے ساتھ ثقافتی و مذہبی تعلقات کو فروغ دینے کے لیے کام کرتا ہے اور حرم مقدس حسینی کے زیرِ اہتمام ہونے والی سرگرمیوں کی کامیابی میں حصہ ڈالتا ہے۔ اس کے علاوہ 'خاتم الانبیاء' اور 'سید الاوصیاء' (علیہم السلام) ہالز میں ہونے والی سرگرمیوں کا انتظام بھی اسی کے پاس ہے، جن میں کانفرنسیں، سیمینارز، فیسٹیولز، فکری و مذہبی لیکچرز، تربیتی کورسز، تحقیقی نشستیں اور رمضان کی محافل شامل ہیں"۔ انہوں نے بتایا کہ "ان دونوں ہالز میں سال 2025 کے دوران 15 ہزار سے زائد افراد کا استقبال کیا گیا"۔
المحنا نے وضاحت کی کہ: "شعبہ تشریفات کے 'گیسٹ استقبالیہ' اور 'سروسز' ونگز چوبیس گھنٹے وفود اور زائرین کی خدمت میں مصروف رہتے ہیں۔ اس کے علاوہ 'سوشل افیئرز یونٹ' اعلیٰ مذہبی قیادت کے نمائندے شیخ عبدالمہدی الکربلائی کے دفتر سے موصول ہونے والی سماجی بہبود کی درخواستوں پر عمل درآمد کرتا ہے۔ ان میں وزارتِ محنت و سماجی امور کے تعاون سے خصوصی افراد، کم آمدنی والے خاندانوں اور بیواؤں کے لیے وظائف اور امداد کی فراہمی شامل ہے"۔
انہوں نے سال 2025 کی اہم ترین کامیابیوں کا ذکر کرتے ہوئے بتایا کہ:
لبنانی خاندانوں کے 8,926 افراد کو حرم مقدس حسینی کے زائر سٹیز ، حسینیوں، کرائے کے ہوٹلوں اور عطیہ کردہ گھروں میں رہائش فراہم کی گئی۔دار الضیافہ (گیسٹ ہاؤس) میں 306 وفود کا استقبال کیا گیا جن میں 7,538 افراد شامل تھے۔سروسز یونٹ کی جانب سے 928 وفود کی میزبانی کی گئی جن کی تعداد 25,719 تھی۔حرم مقدس حسینی میں آنے والے 720 شامی خاندانوں کا استقبال کیا گیا۔محکمہ ٹریفک کے تعاون سے حرم کے مختلف شعبوں کی 107 گاڑیوں کے سالانہ کاغذات مکمل کیے گئے۔عرب اور غیر ملکی شہریت رکھنے والے 150 افراد کے لیے ویزا حاصل کیے گئے۔یہ تمام کوششیں حرم مقدس حسینی کے اس ویژن کا حصہ ہیں جس کا مقصد زائرین اور وفود کو بہترین خدمات فراہم کرنا اور مقامی و بین الاقوامی سطح پر اپنے انسانی، مذہبی اور سماجی کردار کو مزید مضبوط بنانا ہے۔
