حرم مقدس حسینی کے زیرِ انتظام 'امام حسین (ع) سپیشلائزڈ میڈیکل کمپلیکس' نے پیغمبرِ اسلام حضرت محمد مصطفیٰ (ص) کے یومِ شہادت (28 صفر) کے موقع پر عوام الناس کو صحت کی بہتر سہولیات اور خدمتِ خلق کے جذبے کے تحت بدھ کے روز خصوصی ڈسکاؤنٹ افر کا اعلان کیا ہے۔
کمپلیکس کے ڈائریکٹر ڈاکٹر علاء عبد الرحمن حبیب الجنابی نے بتایا کہ اعلیٰ دینی قیادت کے نمائندے شیخ عبد المہدی الکربلائی کی سرپرستی میں جاری اس اقدام کے تحت متعدد طبی خدمات اور معائنہ جات پر 50 فیصد (50%) رعایت فراہم کی جائے گی۔
رعایت میں شامل شعبہ جات اور سہولیات:
آنکھوں کی کلینک (Eye Clinic) اور نظر کا معائنہ (Vision Test)باطنی بیماریاں (Internal Medicine)جنرل سرجری (General Surgery)خواتین و زچگی (Gynecology)الٹراساؤنڈ / سونار (Ultrasound)نرسنگ کلینک (Nursing Clinic)اس کے علاوہ فارمیسی، لیبارٹری (Lab) اور نظر کے چشموں کے شعبے (Optical Section) پر خصوصی ڈسکاؤنٹ۔حرم مقدس حسینی ہمہ وقت اہلِ بیت (ع) کے ایامِ ولادت و شہادت کو انسان دوست اور خدماتی اقدامات کے ذریعے منانے کا اہتمام کرتا ہے، تاکہ ایمانی قدروں کو عملی انسانی خدمت سے جوڑا جا سکے اور تمام طبقوں کے لیے معیاری علاج کی فراہمی آسان بنائی جا سکے۔
