اعلیٰ دینی مرجعیت کے نمائندے اور روضہ حسینیہ مقدسہ کے متولی شیخ عبد المہدی کربلائی کی ہدایات پر عمل کرتے ہوئے، روضہ حسینیہ کے شعبۂ نگہداشت کی جانب سے، فنی عملے کے ذریعے، بصرہ کے مختلف علاقوں میں پینے کے صاف پانی کی تقسیم کا سلسلہ جاری ہے، جو گاڑیوں (ٹینکروں) کے ذریعے کیا جا رہا ہے۔
شعبے کے سربراہ، انجینئر عبدالحسن محمد نے بتایا:"اعلیٰ مرجعیت کے نمائندے اور روضہ حسینیہ کے متولی شرعی شیخ عبد المہدی کربلائی کی ہدایات پر عمل درآمد کرتے ہوئے، شعبۂ نگہداشت کی فنی ٹیمیں ٹینکر گاڑیوں کے ذریعے بصرہ کے مختلف علاقوں میں پینے کے صاف پانی کی ترسیل کا کام جاری رکھے ہوئے ہیں۔"
انہوں نے مزید کہا:
"پینے کے صاف پانی (R.O) کی تقسیم کا یہ عمل بصرہ کی کئی رہائشی بستیوں اور دور دراز علاقوں میں کیا جا رہا ہے، تاکہ ان کی کچھ بنیادی ضروریات پوری کی جا سکیں، کیونکہ یہ علاقے پینے کے صاف پانی کی شدید قلت کا شکار ہیں۔"
یہ اقدام اُن سلسلہ وار کوششوں کا حصہ ہے، جن پر روضہ حسینیہ مقدسہ عمل پیرا ہے تاکہ بصرہ کے عوام کو پانی کی قلت جیسے چیلنج کا سامنا کرنے میں مدد دی جا سکے۔ٹینکر گاڑیوں کی ٹیمیں روزانہ کے طے شدہ شیڈول کے مطابق ان علاقوں میں پانی فراہم کر رہی ہیں جو سب سے زیادہ متاثر ہیں، تاکہ ہر ضرورت مند تک پانی پہنچایا جا سکے۔
منسلکات
